هذه بعض قصائد الشاعر الكبير محمد بن فطيس<br><br>ولفوا تكفون لا عاد تسكتون ------ قبل لا أهوجس وياتيني بلاي<br><br>السكات يزود طعوني طعون------ وتنكسر لا جا على راسي عصاي<br><br>سولفوا لو ما بغيتوا اتسولفون ------ قبل لا اقعد في الحزن رايح وجاي<br><br>واضحكوا لو بالعماله تضحكون -------- وجاملوني لو يضايقكم حكاي<br><br>لي وليفٍ راح جعله ما يهون -------- هو دواي وداي .. أو داي ودواي<br><br>راح لكن طيف زوله في العيون ------- مرةٍ قدامي ومرة وراي<br><br>وإن سكتوا جا وهو طيفه يمون ------- رحت أهوجس له وأبين له ولاي<br><br>مكسب عيوني من الفرقا مزووون ------- تمطر لطاريه .. والبرق ؟ أصدقاي<br><br>كل ما طروه لو هم يمزحون -------- احرموني من غداي ومن عشاي<br><br>أدري إنه ما تناسى الود كون -------- تسمع إذنه في قفاي اللسن عداي<br><br>وكانهم قالوا نسيته يكذبون ------- وإلا أنا فيه أمتلك نظرة وراي<br><br>كان حبه لي على خبري مصون ------- والله ان كني بقدري .. وبغلاي<br><br>ذي بقايا الحب وأطلال الجنون ------ والله أعلم في ضميره وش بقاي<br><br>غير طيعوني ولا عاد تسكتون ------- ولا والله إن أسمعكم بكاااي<br><br>ياقو قلبك على الصّـده ويـا صُــــــبـرك<br><br>وياوسع صدري على صدك ويا صُبري<br><br>وياطول عمـرك بذاكـــــــرتـي وياكُبـرك<br><br>وياشيب عيني بشيّب عــــاد ذا كــــُبـري<br><br>والله لون حمل صبري فوقـك..ان تبرك<br><br>والله ولو تعتذر منـت بعلـى خــــــــبـري<br><br>ان ما جبرك الغلا ما اقدر على جـــبـرك<br><br>ياللي على ارض الوفـا ما شبرك بشبري<br><br>تـــزعل وترجع وتـلقانـي عــــلـى خبـرك<br><br>وانا انكسر لك واجـــــيـك ادوّر لــجبـري<br><br>طـــيفك وذكــــراك طـيلـة غيبتـــك سبـرك<br><br>وشـــــوقي لشوفتك طيلة غيبتـك سبـري<br><br>امـــــحق وليف ومحبه والا اقــول ابـرك<br><br>حسبي عليك اعشقك وانت اتحفر قــبري<br><br>لا ضاقت الدنيا عليك وتشاويت ----- خلق الله اللي فالرخا كان واجد<br><br>ومن العرب والصوت والثوب مليت ------ وقامت عليك هموم بأقعا تراجد<br><br>فارفع يديك لخالقك لا توضيت ------- وادعو تراك أقرب إليا صرت ساجد<br><br>ووقت من أوقاتك للأوقات توقيت ------ وسجل لنفسك في المساجد تواجد<br><br>وأبشر بفزعة حامي الدين والبيت ------ إليا هجدك من الهواجيس هاجد<br><br>اللي يميت الحي ثم يحيي الميت ------ لرضاه شف كثر البشربالمساجد