إلى كل من يحب الشعر الشعبي العراقي نستعرض هنا أجمل القصائد<br><br>شكرا علجرح صحيتني بفركاك<br><br>جنت اصورك بالدنيه بس انته<br><br>فضيت الكَلب بس الك مو للغير<br><br>ولخاطر رضاك الجرح صاحبته<br><br>امنتك كَلب لوجان يم ابليس<br><br>يسجد والخشوع يفيض من كَصته<br><br>مااكتب شعر بيه الخيال خيال<br><br>شمااباوع عليه جدامي ساحكَته<br><br>ولا اكتب قصيده الصور بيهه اشكال<br><br>من اقراهه اموت وانذبح سكته<br><br>اسألك من خنت تعرفني كلش زين؟<br><br>لو بس بالاسم ودكَول فاركَته<br><br>انه الماضعف<br><br>كَلبي ورجف ممشاي<br><br>اجذب الكال كَلبي تنسمع دكَته<br><br>انه البيدي زرعتك من كَبل سنتين<br><br>طفل جانت محبتك بيدي كبرته<br><br>ضاكَت عينك كبل لا تبخس الاسعار<br><br>لا بل كَبل لا ينصح بوكته<br><br>صلفه شفافي لكن مو مثل عيناك<br><br>حرام الجان خد شفافي بايسته<br><br>شنو نفع الغني لاكن فقير اخلاق<br><br>يترجه بمماته تتبره ذمته<br><br>بحر حبي ركبته وانته مو سفان<br><br>متوهم تكول البحر غركته<br><br>حبيتك نعم مااختلف وياك<br><br>واحس حبك ملح بشفافي من ضكَته<br><br>وانطيتك حنان الدنــــــــــــــيا تحلم بيه<br><br>لاكن بالمقابل انته شنو قدمته؟؟<br><br>عفت كَلبي بغيابك بالشمس مصلوب<br><br>(مثل راس الحسين يعاين الجثته)<br><br>وياخذني الخيال وبابك اوكَف بيه<br><br>اشوفه بدون جدمي الصفنه ماخذته<br><br>م ودكات ادكـ علباب لا والله<br><br>لحن داخل حسن تترجم بدكته<br><br>لون الباب يطلع يبجي الجيران<br><br>العرف والماعرف يبجي عله سالفته<br><br>عشت كل العصور بمشيتي وياك<br><br>بس عصر الخيانه الماعرف قصته<br><br>عصر الجاهليه الجنت اسمع بيه<br><br>عشته برشف شفتك والخمر ضكته<br><br>هسه شما اشوفك شوكَي احسه يموت<br><br>واحس طعم الخمر ماأنتشي بلذته<br><br>كرهتــــــك<br><br>كرهتــــــك اي نعم بس راح اكَلك ليش<br><br>مو جاهل واكول بلا سبب عفته<br><br>شفتك وي غيري كبالي تتمشون<br><br>شلت بيدي القلم بشِعري كفرته<br><br>طرق بابك شخص ماجنت تتمناه<br><br>ضعت وياه مثل ماحبي ضيعته<br><br>وانه شاعر حزن بجيت خته الناي<br><br>جان اخرس تخاف الناس من صمته<br><br>حجيت بأذنه قصتي الي عشته هوياك<br><br>صاح الله واكبر واعتلت ونته<br><br>مثل عود البخور بجرحه صار وياي<br><br>قوه شعري ولاكن نابي ضعفته<br><br>ماتت ذكرياتك من الخريف الفات<br><br>وجذع نخله محبتك من خنت شلته<br><br>_ لــيش الجفــا واللي يحبك تعب فيك<br><br>واللي حصــــل من بيننا شي عادي<br><br>هو عاشقك لي قال لك ميت ن فـــيك<br><br>تقلب على دنيـــا السلام بتعـادي !!<br><br>طيب وأنا !! والله قهر كيـف أخبيك<br><br>تكفـــــى تخبا في عيوني وعـــادي<br><br>أصلاً يمين الله مـــــــا قلت أبغليك<br><br>لاكن غلبني فــــي حلاتك عنــــادي<br><br>حلوه وأدور كيف !! وشلون أبرضيك<br><br>ياسيدة كل الحضر والبـــــــوادي<br><br>مجـــــبور أغني وأنطرب لك وأغنّيك<br><br>يا أحلــى مواعيد العمر في فؤادي<br><br>ضميت لك سور عظيم ن يـداريــــك<br><br>لا تزعلين إن خايــب الحــــظ جادي<br><br>وفرّق معاهدنا وباعد بأراضــــيك<br><br>وأجحف على بيض الـــنوايا سوادي<br><br>خل الزعل عنّك وأنـا دوم مغليــك<br><br>يكفي من الدنيا طريق البعـــادي<br><br>ويكفي عن الغايب قصيد ن يعزيــك<br><br>من عاشق ن ( ود ) المشاعر ينـادي<br><br>ما خالطه في خاطره غير يطريـــــك<br><br>وشلك حبيبي في الزعل والتمـــادي !!