شعر ابن فطيس<br><br>اخترنا لكم في هذا المقال مجموعةً من قصائد الشاعر القطري محمد ابن فطيس المرّي.<br><br>قصيدة يا قـــوّة قلــــبـــك<br><br>يا قوّة قلبك على الصّـده ويـا صُــــــبـرك<br><br>ويا وسع صدري على صدّك ويا صُبري<br><br>ويا طول عمـرك بذاكـــــــرتـي ويا كُبـرك<br><br>ويا شيب عيني بشيّب عــــاد ذا كــــُبـري<br><br>والله لون حمل صبري فوقـك..ان تبرك<br><br>والله ولو تعتذر منـت بعلـى خــــــــبـري<br><br>إن ما جبرك الغلا ما أقدر على جـــبـرك<br><br>ياللي على أرض الوفـا ما شبرك بشبري<br><br>تـــزعل وترجع وتـلقانـي عــــلـى خبـرك<br><br>وأنا انكسر لك واجـــــيـك ادوّر لــجبـري<br><br>طـــيفك وذكــــراك طـيلـة غيبتـــك سبـرك<br><br>وشـــــوقي لشوفتك طيلة غيبتـك سبـري<br><br>أمـــــحق وليف ومحبّة والا أقــول أبـرك<br><br>حسبي عليك أعشقك وانت تحفر قــبري<br><br>قصيدة غيبتك<br><br>غيبتك لو هي دقيقة تعتبر صــــدّة<br><br>الوقت دونك سجن وغيابك أسياجه<br><br>لا تعتذر لي ترى مـاعاد فـي شـدّة<br><br>أعيد حكي ٍ يكود الصدر مخراجه<br><br>دامه يوصف بجود أبيك وبجدّة<br><br>وشلون تبخل على المجروح بعلاجه؟<br><br>وشلون قاواك قلبك رده وصدّه<br><br>مع أنّه بيـّن عليه الضعف والحاجة<br><br>يا قوّة قلبك برد ايمينك وردّه<br><br>بخلت بمصافحة وارهيت بحراجه<br><br>لو ماسقى غيم عينه جرهدي خدّه<br><br>تراه يبكي وقلبه يلحق إخلاجه<br><br>ولو شفته يمازحك تراه من جدّه<br><br>الضحك عن درب ضيق الصدر ما عاجه<br><br>غير الغلا والوله عليك وش حدّه<br><br>يادرب ليلة ويا مسراه وسراجه<br><br>كنـّه يعرفك قبل يلقاك من مدّه<br><br>مع أنّ ما بينك وما بينه أمواجه<br><br>هواك بدو ٍ نووا للقلب بالشدّة<br><br>ورياض قلبي لشوف البدو محتاجة<br><br>والوصل..بحر ٍ متى انت بتسمح ابمدّه<br><br>السّيف صبري وبحرك شح بامواجه<br><br>قصيدي اللي قريته واللي أعدّه<br><br>قديم لا يزعلك معناه وإخراجه<br><br>وفراغ قلبي غلاك أرهى على سدّه<br><br>ليتك تشوف الغلا وأبراجه وعاجه<br><br>أقوى رياح العذل ما تقدر تهدّه<br><br>والا الجفا لو تنفس هدم أبراجه<br><br>تغانم الوصل لن البعد لا بدّه<br><br>يأتيك في يوم ثم ياخذك بأدراجه<br><br>اللي لي إنّك تلين وتترك الشدّة<br><br>واللي لك إنّي ما سولف بك لهراجة<br><br>ولاني بزعلان واللي نرتجي مدّه<br><br>يا باب قلبي ويا قفله ومزلاجه<br><br>زعلة تغلي ومن تزعله من قدّه<br><br>ما دام كل ٍ يبي دربك ومنهاجه<br><br>غالي وتبخل علي وتطـّول الصدّة<br><br>قصيدة الله يسامح غلاك<br><br>الله يسامح غلاك ويلعن الحاجة<br><br>غيبتك لو هي دقيقة تعتبر صدّة<br><br>الوقت عقبك سجن وغيابك سياجه<br><br>لا تعتذر لي ترى ما عاد في شدّة<br><br>أعيد حكيٍ يكود الصدر مخراجه<br><br>دامه يوصف بجود أبيك وبجدّة<br><br>وشلون تبخل على المجروح بعلاجه<br><br>وشلون قاواك قلبك ردّه وصدّه<br><br>مع إنّه بيّن عليه الضعف والحاجة<br><br>يا قوّة قلبك برد يمينك وردّه<br><br>بخلت بمصافحه وأرهيت بإحراجه<br><br>لوما سقا غيم عينه جرهدي خدّه<br><br>تراه يبكي وقلبه يلحق إخلاجه<br><br>ولو شفته يمازحك تراه من جدّه<br><br>الضحك عن درب ضيق الصّدر ما عاجه<br><br>غير الوله والغلا عليك وش حدّه<br><br>يا درب ليلة و يا مسراه وسراجه<br><br>كنّه يعرفك قبل يلقاك من مدّه<br><br>مع إن ما بينك وبينه أمواجه<br><br>هواك بدوٍ نووا القلب بالشدّة<br><br>ورياض قلبي لشوف البدو محتاجة<br><br>والوصل بحرٍ متى أنت بتسمح بمده<br><br>السّيف صبري و بحرك شح بأمواجه<br><br>وقصيدي اللي قريته واللي أعدّه<br><br>قديم لا يزعلك معناه وإخراجه<br><br>وفراغ قلبي غلاك أرهى على سدّه<br><br>ليتك تشوف الغلا وأبراجه وعاجه<br><br>أقوى رياح العذل ما تقدر تهدّه<br><br>و لا الجفا لو تنفّس هدم أبراجه<br><br>تغانم الوصل لأنّ البعد لا بدّه<br><br>يأتيك في يوم ثمّ يأخذك بأدراجه<br><br>اللي لي إنّك تلين وتترك الشدّة<br><br>واللي لك إنّي ما أسولف بك لهرّاجة<br><br>لا نيب زعلان واللي اني أرتجي مدّة<br><br>يا باب قلبي وياقفله ومزلاجه<br><br>زعلك تغلي ومن تزعله من قدّه<br><br>مدام كلن يبي دربك ومنهاجه<br><br>غالي وتبخل علي وتطوّل الصدّة<br><br>الله يسامح غلاك ويلعنالحاجة