و ده هتروحه إزاي عن طريق المترو؟
لو في تقسيم تركب المترو ام 2 لمحطتين بس وتنزل محطه سيشلي.
المول ليه مدخل من محطة المترو نفسها، بس خلي بالك وانت في المحطة اسأل أنهي مدخل للمول علشان في مدخل بيودي لمول تاني اسمه كانيون، وده مول غالي جدا.
المهم سيفاهير مول ده بقي فيه محل ماركة سي إن إيه و اللي بيسافر أوروبا يعرف إن الماركة دي هي ماركة محببة قوي للمصريين، وماركه موجوده في كل دول أوروبا و لسه ما جتش مصر.
وهي أصلا ماركة ألماني أسعارها معقولة جدا جدا، وتتميز إن فيها مقاسات كبيره كمان وكمان فيها لبس للأمهات يعني بكم طويل ولبس طويل وكده.
بجد الشوبينج فيه هايل والمول اللي يعتبر من أهم الاسواق في اسطنبول فيه الماركات التانيه زي كوتون وإل سي واكيكي ونايك وجاب ومانجو وبينتون ومازر كير وغيرهم كثير.
و لو انت في لالالاي تاخد المترو من محطه يانكابي اللي هو برضه رقم ام 2 و تنزل سيشلي تقريبا 6 محطات.
المول ده بجد حكاية وكبير قوي ومبهر وسهل جدا تروحه عن طريق المترو لو في لالالاي تنزل محطه ياكنبي وتاخد خط ام 1 ايه اللي هو خط المطار وتنزل بعد 6 محطات اسمها كوكاتيبي.
والمول له مدخل من المحطه نفسها وفيه برضه محل سي ان ايه دوريين واتش ان ام دوريين وزاره ومارك ان سبنسر و يو اس بولو وكوتون وما نجو و ال سي واكيكي و نايك ومافي وغيرهم كثير.
ولو هتركب من تكسيم يبقي تركب الخط ام 2 اتجاه يانكابي 3 محطات وتنزل تغير في يانكابي ترلاكب خط المطار ام 1 ايه و تنزل في نفس المحطه و هي كوكاتيبي.
ده بقي مول جديد وحكاية ومن أهم الاسواق في اسطنبول و ميزته انه موجود علي بارك زي ديرم بارك كده بس علي اظف كثير و هو بعيد شويه.
و بالتالي حنروح ازاي فيه شاتيل باص يعني باص خاص بالمول بيطلع من تقسيم او كاتباش او السلطان احمد كل ساعه و طبعا ببلاش والسكه تاخد نص ساعه و ممكن تدخل البارك او تدخل المول طبعا البارك بفلوس و المول ببلاش.
المول ده جزء كبير فيه اوبن اييير و فيه طبعا كل الماركات اللي مكن تتخليها و طبعا حبيبي سي ان ايه موجود جواه و بجد يستحق تروحه و اسعاره معقوله جدا وادي اللينك بتاع الصفحه بتاعه مواعيد الشاتيل باص و منين بتطلع.
ده الرابط بتاع المول اللي فيه اسماء المحلات ويعتبر من أهم الاسواق في اسطنبول
المول ده برضه مول كبير و فيه محل سي ان ايه 3 ادوار و اتش ان ام 3 ادوار و باقي الماركات المهمة.
لو انت في تقسيم تركب المترو محطه اللي هو اسمه فانكشيال و تطلع تلاقي الترام في كاتسباش تاخده لغاية محطه زيتنبرنو و تنزل من المحطه خد يمينك و امشي 3 دقائق حتلاقي شارع كبير مقاطعك ادخل فيه شمال و امشي كمان 4 دقائق المول.
اصلا باين جدا من عند محطه الترام و لو انت في لالايه اركب الترام من محطه لالايه و انزل برده زيتنبرنو
ده في منطقه اكسراي و هو يعتبر مول صغير بس من أفضل الاسواق في اسطنبول وفيه برضه سي اند ايه محل كبير و علي فكره كل فرع في سي ان ايه حتلاقي حاجات مختلفه و لو مثلا مقاسك مش موجود في فرع حتلاقي مقاسك في فرع تاني.
دايما سي اند ايه عنده سكشن اسعار مخفضه يعني ممكن تلاقي قميص او تي شيرت رجالي من اول 10 ليره و اسعار القميص العاديه بين 20 الي 30 ليره و شورتات نفس الحكايه و بلوفرات نفس الحكاية.
المهم المول ده لو في لالايه ممكن تمشيله لمحطه اكسراي او تركب المترو من يانكابي و تنزل اكسراي محطه واحده و تمشي بتاع 2 دقيقه حتلاقيه علي يمينك
ده الرابط بتاع المول اللي فيه اسماء المحلات واللي يعتبر من أفضل الاسواق في اسطنبول
ده مول كبير و مافيهوش سي اند ايه فيه مارك اند سبنسر و زاره و بينتون و كوتونو مانجو و ال سي واكيكي.
وده يتراح له من تقسيم تركب المترو ام 2 و تنزل بعد 4 محطات محطه اسمها ليفنت و حتلاقي مدخل المول في المحطه و لو في لالالاي حتركب برضه المترو ام 2 و تنزل نفس الشيء.
العربية
