تبيني صدق وإلا ما تبيني للشاعر حامد زيد:<br><br>تبيني صدق وإلا ما تبيني . .<br><br>قبل لا أبهذلك وتبهذليني<br><br>وقبل لا أفقد شموخي واحترامي . .<br><br>وقبل لا أشمت العذال فيني<br><br>أنا داخل عليك من الفضايح . .<br><br>تبيني صدق والا ما تبيني<br><br>أنا ماني بلعبه في يدينك .<br><br>متى ما تعشقيني تعشقيني<br><br>أبيك ان كان جيتيني حبيبه . .<br><br>تجيني بصدق ولا لا تجيني<br><br>أنا ما أجرح مشاعر من عشقني . .<br><br>ولا أرضى لي عشقتك تجرحيني<br><br>ما دام أني عطيت بكل قلبي . .<br><br>مثل ما عطيك من قلبي عطيني<br><br>وإذا بعت العذارى واشتريتك . .<br><br>تبيعين الرجال وتشتريني<br><br>عشان أكون صادق لي عشقتك . .<br><br>و عشان أريحك واتريحيني<br><br>دخيل الله وقولي وبصراحه . .تبيني صدق والا ما تبيني<br><br>أنا ما جيت ابي ألعب وتسلا . .<br><br>أنا جيت أحتويك وتحتويني<br><br>تبيني مثل كل الناس والا . .<br><br>تبيني أقدرك واتقدريني<br><br>مثل ما استحملك لامن زعلتي . .<br><br>إلى مني زعلت استحمليني<br><br>عرفتيني وأنا رجال وافي . .<br><br>وأنا وافي قبل لا تعرفيني<br><br>أحب الصدق لو هو من عدوي . .<br><br>وأعاف الكذب لو من والديني<br><br>مثل ما أقبل بليني وبشموخي . .<br><br>لو أكره رحت بشموخي وليني<br><br>إذا عن عاذلي ديني ودينه . .<br><br>وإذا عن غيرتي دينه وديني<br><br>أنا لي ثارت الغيره بقلبي . .<br><br>تقول الجن الأزرق معتريني<br><br>أبي وأنتي معي منتي لغيري . .<br><br>وإذا كنتي لغيري جنبيني<br><br>أغيب وتذكريني بالحشيمه . .<br><br>ولا أمرح في ذراك وتلعنيني<br><br>طويلين الشوارب ما احقروني . .<br><br>تبيني أنتي تجين وتحقريني<br><br>إذا نفسي رضت لي بالمذله . .<br><br>أبذبحني قبل لا تذبحيني<br><br>مادام أني وفي كوني وفيه . .<br><br>لاني ما أخدعك ولا تخدعيني<br><br>أنا لي أخذت قدري واحترامي . .<br><br>خذيني مثل ما تب تاخذيني<br><br>تبين بخوتي سيف(ن) مجرب . .<br><br>وإذا بمروتي ليث بعريني<br><br>فأن ألفيتني شهما شجاعا<br><br>فليس البر أن تستضعفيني<br><br>فأني ذقت بالآلام ذرعا<br><br>وما في الغدر قمح يتقيني<br><br>أكف الدم لحزنا بعد حزن<br><br>عشقت القمعا حينا بعد حيني<br><br>لعمري كم حيوت الناس قلبا<br><br>وما في الناس قلب يحتويني<br><br>أنا الحزن الذي لا حزن بعدي<br><br>ولا يغني حنين عن حنيني<br><br>فلا من كان قبلي كان قبلي<br><br>ولا من قد يليني قد يليني<br><br>أنا المملوء حزنا وانكسارا<br><br>وما فرطت في عرضي وديني<br><br>أنا المختال من فخري بفقري<br><br>وتبت كل عين تزدريني<br><br>أنا من ذاق ملئ الأرض هونا<br><br>وما أخضعت للدنيا جبيني<br><br>فإن جاءت بي الأقدار يوما<br><br>أجوب الأرض خوفا من أنيني<br><br>فروفي واحفظي لي ماء وجهي<br><br>ولاتخشيني واخشي الله فيني<br><br>فلو أني رجوت الله شيئا<br><br>فأرجوا الله أن لا تظلميني<br><br>علشان ان عشقت اعشقك كلي . .<br><br>أبيك كلك تجين وتعشقيني<br><br>فلا تقفي عيونك عن عيوني . .<br><br>ولا تدفي يديك ألا يديني<br><br>أكون أقرب لقلبك من عروقك . .<br><br>وأحسك بين شرياني وبيني<br><br>اسامح لك خطاك اليا خطيتي . .<br><br>وأنا لا من خطيت تسامحيني<br><br>ولك مني عهد ما أصد عنك . .<br><br>وأبي منك عهد ما تخذليني<br><br>عشان أبقى معاك العمر كله . .<br><br>وأشيل محبتك برموش عيني<br><br>أنا بحلف يمين أني لصونك<br><br>فلا أخونك ولا أرد بيميني..<br><br>وعساني للهلاكـ أن خنت . .<br><br>وأنتي عسى الله يلعنك لو تتركيني !