قصيدة السفينة للشاعر المبدع حامد زيد:<br><br>السفينة<br><br>ضاقت وساع الفيافي والوعد متن السفينـه<br><br>للطريق اللي دعاني بعد أمـان الله وأمانـه<br><br>لاتنادينـي وصونـي قلبـك الله لايهيـنـه<br><br>لايراهن في رجوعي لجل مايخسـر رهانـه<br><br>ليه ما أرحل عن غرامك بعد ماذقت الغبينـه<br><br>أذكريلي شي واحد يستحـق أقعـد عشانـه<br><br>قلب ماحن لوصالي مانـي بحاجـة حنينـه<br><br>وأشهد أنـه مايعـزر بالرفيـع الا هوانـه<br><br>الهـوى الغـدار حـد الله مابينـي وبينـه<br><br>والرجل لاخير فيه إن ماحفظ قدره وصانـه<br><br>واحدٍ مثلي اليا من حدتـه عوجـا سنينـه<br><br>ماشكى لقرب أبن ادم لوهو أقرب من أخوانه<br><br>يوم قلبـي ماعصـاك وماقدرتـي تذبحينـه<br><br>ليه خنتي فيه وأنتي معه من نفس الديانـه<br><br>كان ذبحي بيدك أرحملي من اللـي تفعلينـه<br><br>وأن طلبتـك تذبحينـي ماذبحتينـي لعانـه<br><br>كل جرحٍ من جروحي تذكرينـه .. تنكرينـه<br><br>كن مالك في نزيفه (يـد) خانـت بالأمانـه<br><br>ينزف الخافق تواضع لين لطختـي جبينـه<br><br>والا أنا ماكنت أبيها توصـل لحـد الأهانـه<br><br>قلت من باب الميانـه صاحبـك وتعذبينـه<br><br>لعنبوك إرخي معاي أشوي ماصارت ميانـه<br><br>طعت عقلك يوم قيل إن العقل للبنـت زينـه<br><br>لكن الشرهه علي اللي كنت أحسب إنك تكانه<br><br>من بعد ماكنتي أنتي في حشاي أغلى سجينه<br><br>بوعدك بطلق سراحك وأتهمينـي بالأدانـه<br><br>وين رايح..؟ لأي دربٍ مايرجـع للمدينـه<br><br>ليه رايح..؟ لان قلبك ماترك قلبـي وشانـه<br><br>كيف أبنسى.؟ ربي اللي ملهم القلب السكينه<br><br>مثل ماعانه بقربك لانـوى فرقـاك عانـه<br><br>كان قاسي يجرح أطراف السكاكين السنينـه<br><br>مايطيح وبنتٍ مثلـك حبهـا هـزت كيانـه<br><br>والا أنا خابر خفوقـي مايمـد الا الثمينـه<br><br>وإن بغى يغيض الثريا قعد القمـرى وزانـه<br><br>مزعلٍ لجلك هنوفٍ رجـت عقـول رزينـه<br><br>وإن تهادت بالطريق الجرهدي تزهر جنانـه<br><br>جادلٍ كـن الجمـال قبالهـا كتـف يدينـه<br><br>والقمر لو شاورت له ينزح وتقعـد مكانـه<br><br>كانت أول من تحكم في فـروع الياسمينـهوأن تعدتهن تثنـن خيزرانـه .. خيزرانـه<br><br>بعتها لجلك وصارت لأصغر أطرافك رهينـه<br><br>وألا هي لفتة هدبها تغمـرك ثقـل ورزانـه<br><br>والخفوق اللي تغذى مـن معـزة والدينـه<br><br>مشكلته إنه تعلق في زمـن ماهـو زمانـه<br><br>كل مازادت جراحه وأكتشف غلطة ضنينـه<br><br>صدقيه أن قال مابه شخص يستاهل حنانـه<br><br>يـوم نـادا يافلانـه مارضيتـي تسمعينـه<br><br>ليـن صـوت يافلانـه ,يافلانـه ,يافلانـه<br><br>كنت أشوفك زعفرانه تقرض الورد وتدينـه<br><br>يمكن أني ماقطفتك بس أشوفـك زعفرانـه<br><br>كنت أهاب البعد عنـك وأطلبـك لاتذكرينـه<br><br>كان خوف من الفراق وخطوت الفرقا جبانه<br><br>وماقتنعت أن الخيانه للرجل تلـوي يمينـه<br><br>لين ماربي بعثك وذقت مـن طعـم الخيانـه<br><br>إسمحيلي..مابقـى فينـي مكـانٍ تطعنينـه<br><br>وأقبلي من جوف قلبي كل عطفه وأمتنانـه<br><br>والله الله في عذابك بتركـك عينـك بعينـه<br><br>دلليـه ولايـرده عـن شقـاك إلا لسانـه<br><br>والا أنا قررت أسافر وأمتطي ظهر السفينـه<br><br>لأن مابه شي واحد يستحقأقعـدعشانـه