1- كشف حساب بنكى لآخر 6 شهور يكون فيه مبلغ كويس (أقل من أوروبا طبعًا)
2- hr letter
3- حجز طيران مبدئى وده هنعرف بعد كده بيتعمل إزاي من غير استغلال شركات السياحة، وحجز فندق مبدئى وده هنحجزه من بوكينج دوت كوم.
4- تأمين طبى من أي شركة تأمين بـ 100 جنيه تأمين طبى مدته حوالي 8 أيام
– باسبور سارى لمده 6 شهور
6- عدد 2 صورة شخصية حديثة خلفية بيضاء
بتدخل على موقع السفارة التركية في مصر وتاخد ميعاد، هيبعتوا لك ورقة بالميعاد تاخدها معاك السفاره ضروري جداً لأن مش هياخدوا ورقك من غيرها، وتديهم الورق كله وتدفع 470 جنيه ثمن التأشيرة.
وضروري تعرف انت تبع سفارة القاهرة ولا الإسكندرية لأني كنت تبع الإسكندريه واتسوحت في القاهرة.
1- لو انتم اتنين متجوزين خدوا صورة من قسيمة الجواز معاكم دا هيسهلكم الدنيا وساعتها موظف السفارة التركية في مصر مش هيسأل عن كشف حساب للزوجة وهيدوكم الفيزا بعد يومين.
2- لو انتم تحت الـ 18 سنة أو فوق الـ 45 سنة، الفيزا بتاخدوها أون لاين بـ 20 دولار بس ومن غير تصريح أمني كمان
3- التصريح الأمنى بيطلع بعد ما تاخدوا الفيزا من السفارة التركية في مصر
هتروح مجمع التحرير الدور الأول ومعاك الباسبور ومصور أول صفحة منه صورة ومصور صفحة الفيزا. وتملا استمارة وبتروح بعد 5 أيام عمل تستلم التصريح، بس بعد 12 الظهر علشان يكون خلص.
عندك الخطوط التركية -مصر للطيران ودول التذكرة ذهاب وعودة فى حدود 2800 جنيه بس احجز قبلها بشهر مثلا. أو عندك نايل إير بـ 2400 جنيه بس مواعيدهم سيئة وما أنصحش بيها، يعنى فيه ناس في الإقلاع من مصر اتأخروا ومن اسطنبول في العودة برضه اتأخروا.
الإقامة: أنا عن نفسي حبيت إسطنبول القديمة قوي ودايماً وانت بتحجز حاول تحجز في مكان يكون جنب المترو عشان الدنيا تبقي سهلة معاك.
أنا نزلت في مكان اسمه سيركجي وليها محطة ترام بنفس الاسم وجمالها إنها علي البحر ساحل ايمينونو.
اسم الأوتيل: Sehir Hotel سعره في الليلة حوالي ?? ليرة، والناس فيه جميلة ومتعاونة: سارادار وفولكان طول الوقت ناقر ونقير تحس إن هم مولودين علي راس بعض.
من مكان الإقامة عشر دقايق وتكون في كل معالم اسطنبول القديمة، ناس كتير بتحب تنزل تقسيم عشان الفنادق هناك الغرف أوسع وكمان جنب شارع الاستقلال وكمان عشان الحياه الليلية.. بس كل واحد ودماغه بقى.
1- من مطار أتاتورك أو مطار صبيحة لتقسيم استخدم الـ havatas bus بـ 15 ليرة.
2- من مطار أتاتورك أو مطار صبيحة لمنطقة السلطان أحمد استخدم الـ havtas bus بـ 15 ليرة ثم ترام لمنطقة السلطان أحمد بـ 2.30 ليرة.
3- هافطاش باص بيتحرك كل نص ساعة من المطار، نظيف، مكيف، فى مكان للشنط زى السوبرجت كده، بتركب و بعدين بيعدى السواق يقطع لك تكت وتدفع.
4- ممكن استخدام المترو من مطار أتاتورك لتقسيم أو سلطان أحمد.
بالنسبه للنت أنا اشتريت سيم كارد فودافون من المطار وعملت باقة نت ? جيجا بحوالي ??? ليره بس نصيحه بلاش عشان مش هتحتاجوا النت بره الأوتيل كتير حاولو تستمتعوا شوية.
حاول تغير مبلغ صغير في المطار عشان سعرهم أقل من أسعار الصرافات بره لغاية ماتوصل الأوتيل، أو اسحب من الـ Atm هتطلع لك الفلوس بالليرة.
"
العربية
