من أشهر و أجمل أشعار سالم السيار :<br><br>ليــه..؟؟!!<br><br>هذا هو اللي تبيه..اني ارحل من حياتك..<br><br>واشعل عيوني بـ ليه..!<br><br>بس خلاص..!!<br><br>هذا هو اللي قدرته وقدرك ربي عليه...؟<br><br>بذمتك هذا كلام ..؟<br><br>اني ارجع من جديد ..<br><br>ارجع افرش كل تعب عمري وانام..<br><br>زين لحظه.. لسألوني الناس وينك..؟<br><br>وان دروا ضحكه عيونك عن عيوني فارقت..<br><br>سافرت ردت لعينك.. بذمتك وش اقول..!!<br><br>قول..قول..<br><br>قول قول الله يخرب بيت بيتك.!<br><br>توني يادوبي بديت ..بعت عمري واشتريتك..<br><br>خطوه ..خطوه...واشتريتك<br><br>توني باطراف البدايه!<br><br>مدري وشلون انتهيت..<br><br>ياأخي حسّ ..والله عيب إللي تبيه..<br><br>إني ارحل من حياتك وأشعل عيوني بـ ليه..<br><br>لا جبينك شمس واحساسك مطر..<br><br>لاعيونك شوق وشعورك دفا..<br><br>جبت لك بإيدي ابتسامات العمر ..<br><br>ليه تكسرها على اطراف الشفا...<br><br>شوف.. شوف بعثرني احتياجي بالنظر..<br><br>شوف وجهي إمتلا منك بـ أفا ..!!<br><br>ما تجي منك ولكن يابشر:<br><br>منت اول من طعني بالجفا..<br><br>إبركتهن كل جروحي بالسهر..<br><br>ولا افكر من ورا قلبك شفا..<br><br>ولّ ياقلبك ما يجيب الا القهر ..<br><br>ولّ ياعمرك ماعرف طعم الوفا..<br><br>وإلا انا مثل النهر ابقى نهر..<br><br>من تحوسه ..ترجع تشوفه صفا..<br><br>فيني والله احساس لامنه ظهر..<br><br>يشعل ضلوعك اذا قلبك طغا..<br><br>هذا هو اللي تبيه ..؟ وهذا هو اللي قدرته؟؟<br><br>وقدرك ربي عليه ..بذمتك هذا كلام ..؟<br><br>اني ارجع من جديد..<br><br>ارجع افرش كل تعب عمري وانام..!!<br><br>وين اروح....؟!<br><br>شلون اجيب لقلبي المجروح روح !<br><br>هذا هو اللي تبيه.<br><br>قصيدة أخرى لهذا الشاعر الكويتي المبدع :<br><br>عسى ما ازعلتك البارح وزودت الجراح جراح<br><br>عسى ما مرت الدمعه على اهدابك من اسبابي<br><br>جرحتك من كثر شوقي وخليت الكلام رماح<br><br>ولا ادري شلون ياعمري طعنتك حيل بعتابي<br><br>بدون شعور صدقني ترى كثر الغلا ذباح<br><br>تعال وشوف بغيابك غلاك شلون سوابي<br><br>حرام تغيب من عمري وتعطيني الفراق وشاح<br><br>حرام الدمع في عيني مناديله هي اهدابي<br><br>غيابك يشغل عيون الزوايا وامتلي اشباح<br><br>وانا انثر صوتك بقلب المكان واشعل ابوابي<br><br>تلفت للأمل دام الرجا في عمري الملواح<br><br>اناديلك ولو شرهك وصولك تقطع اعصابي<br><br>ابيك الجاي من عمري انا مابيك شي وراح<br><br>مدامك اجمل واخر مدامك اول احبابي<br><br>ابي ارتاح ياعمري انا ادري هم تبي ترتاح<br><br>تعال وقبل ما افرح ترا تفرح بك ثيابي<br><br>احبك احبك يابعد عمر الحزن والجرح والافراح<br><br>احبك احبك كثر ما نامت عيونك داخل اهدابي ..