أجمل كلام عراقي

الكاتب: رامي -
أجمل كلام عراقي

أجمل كلام عراقي.

_ هذه بعض الأشعار الحزينة أوردها لكم:

شبيك حبيبي اتغيرت مو ذاك ملكاك

وانا اللي عيوني انطيتك اياهن هدية

زعلتك بكلمة وانه مو دريان ؟؟

اعتذر والله وحط ايدك بديه

احبك من صدك مو حب هالايام

واسمك شايله بجيبي هوية

ويالطولك دوخ الكون

اكلبك ذهب والله لو جانت بديه

اعذرني بعد ما اكدر على الصار

وراح اكلك وشصار بيه

دمرني حبك ونساني هالناس

وانه اللي ماجنت انسه وشلون بيه


انطيني حل المشكلتي هاي شلون

شو كام الاخو يلوم اخيه

ميخالف اقبل كل الحجي الينكال

ولا ارضى بزعلك يالغالي عليه

شو ساكت حبيبي شبيك مابيك

تقبل انهان وتجيني الاذيه

وتقبل الشامت من بعيد يكول

خان بحبيبه وشاله من فيه

اذا تقبل هالحجي ,, كول من هاليوم

وانه من هاللحظة اكلك هاي هيه

واذا حبك من صدك مو كلمة التنكال

اخليك بكلبي واقفل الباب بيه

_ اريد اصرخ واسم الناس عن البينج وبيني


جمعنة الشوق صار سنيين تاليهة تخونيني


وانا الماغمضت عيني بعشرتج مساهرة عيني


اناديج بتوالي الليل واصيحن هم تحبيني


يجاوبني الصدى ويكلي احبك يانظر عيني


صرت بيدج غصن ذبلان وبصحراء زرعتيني


وعايش باقي بالحسرات ولو كطرات تسكيني


وهذا الحد الوصلتة وياج واترجاج اعذريني


_ طويناها صفحتك ونتهه الموضوع

فعل ماضي صفيت وخلصت المده

اشتتوقع ابوس اجدامك من تروح

واسحك كبريائي واطلب النجده

صح جدمي عثر من شفت طولك لاح

لاكن مانخيتك من طحت عمده

توجيت اعله جرحي وماطلبت العون

لان ادري اليطيح اجفوفه لتسنده

صح الكمر اكبر ونجوم ازغار

بس تحله السمه مو بالكمر وحده

واذا ساكت تره مو لان ماكو السان

مرات الصمت من الحجي ابده

وجف المايصافح جفك بالحساس


لا تعتب عليه وتنتخي بزنده


من اكتب شعر لاتعتقد بطران


البلابل بالقفص من ظيمهه مغرده


ماصدك بعد دمعاتك من اطيح

هم يهمل دمعهه العين لورمده

روح بلا وداع وكل اثر ماريد


اليكتب علرمل يعرف قدر كتبه

راق لى


_ احتاجك دفو لوحته وية الصيف


شكــــلك روحي انته ؟؟ وانته تدريالروحبايعهه اعله شانك هي وسنيني

أحبك لكن اني هواي شايل خوف اذا تتركني اموت وانت تدريني

لذلك لمن ازعل ماتدير البال ولا تصالحني واصلا ماتحاجيني

اضل وحدي ويه وحدي ارضه وارجع ليك واضحك ويه وحدي واني اراضيني

يا أكبر ضعف يحصرني بس وياك وانه المــــا كدر غير يلاويني

يـا كل نبضه تنطق بسمك وتهواك يلتمشي ويه دمي بنص شـــراييني

الك حته الجفن كل رمشه بيك يصيح واذا ماصدكتني ... باوع بعيني

ماعطشان ابد للعشك لا والله لكني اعطشت من جيت ترويني

أحن اللمستك والضحكتك اشتاك واطير ويه النجم لمن تشاقيني

اوزن كل كلامي وخطوتي ويه الغير و بس وياك تختل كل موازيني

أحتاجك دفو لو حته ويه الصيف احتاجك حنان وحب تغطيني

ولو جوه الشمس والحر يموت الناس انتضرك تجي بشمسك تدفيني

ياكل عطري انت وكل رياحيني يــــا اطيب نبع بجفوفه يرويني

خليني اعله كلبك واغفه انته ونام وخليني اعله رفك قلم خليني

مادام اني يمك ارضه لو بالموت ولتفكر ابد..... خايف تجافيني...

_


آنه الوالدة وجور الوكت ذبني وأحس الروح راحت من رحت يبني &rlm*** &rlm


أنصبت وسط القلب مهدك يضي العين وأضلوعي تحرسك من مرام البين وإعلى هز المهد يبني أسهرت سنتين وأشباح السهر جانن يبارني &rlm*** &rlm


تكبر والأمل يبني كبر وياك لدارك من تطبها بلهفة أتلقاك &rlm تصد عيني إعلى طولك والكبد يرعاك ماأدري تروح وتنفقد مني &rlm*** &rlm


وين سنين عمري الجانت تباريك وينالسهريبني اللي سهرته إعليك بسرعة تروح مني ماجنت أدريك فقدك وأنقطع منك بعد ظني&rlm &rlm*** &rlm


تنوح الوالدة الغاب الولد عنها اشلون اللي أبنها ينفقد منها مايبطل بجاها ولايخف ونها وأنا خلافك يفت صم الصخر وني &rlm*** &rlm


عشت ويا النباب وبقلي ربيتك مني تنفقد وتروح مدريتك آنه لو أدري بسواد عيوني ضميتك لامن بعدك أحمل هالغصص ذني &rlm*** &rlm


يامن جنت شمعة زاهية بداري وياوجه البراءة العاش بأفكاري أحن إعليك يبني ليلي ونهاري وحتى الفاجدات أجزعن من حني &rlm*** &rlm


من بعدك أقضي بالحزن يومي يجيني الليل وأتوسد على همومي&rlm كل لحظة أفز مرعوبة من نومي جنك مامتت آنه المتت جني &rlm*** &rlm


رحت وبقلبي كم لوعة حزن خليت ومثل ون الحمامة الفرقتك ونيت جنت أتمنى تحظر دفنتي ياريت وبيدك ياشريك الروح تدفني &rlm

شارك المقالة:
132 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook