معلومات عن تجربة تعلم اللغة التركية في أفضل المراكز

الكاتب: رامي -
معلومات عن تجربة تعلم اللغة التركية في أفضل المراكز

معلومات عن تجربة تعلم اللغة التركية في أفضل المراكز

معلومات عن تجربة تعلم اللغة التركية في أفضل المراكز

أنا جيت لتركيا قبل 6 سنوات تقريبا وأنتو عارفين ان أصعب شي بالحياة انك تعيش مع ناس مو فاهم لغتهم :)

بعد محاولات كثيرة وتعب وتجميع كلمات على الانترنت واليويتوب وكل مكان صار فيني افهم تركي بس المصيبة بالحكي.....
يلي تعلمتو ان فعليا اي لغة بدك تتعلمها فيك تتعلمها بس أهم شي يكون عندك الحافز والشغف لانك تتعلمها ما بس بدك تتعلم كمان حاب تتعلم

وطبعا اكيد الكل بقوللنا ان المسلسلات والاغاني بيساعدونا نتعلم, هاذ الكلام صحيح بس على فكرة رح نتعلم الاستماع بس يعني نفس الفكرة
رح نصير نفهم شو بقولو بس ما بنقدر نرد هههه.

بالنسبة إلي بالنهاية أدركت ان قد ما تعلمت من النت واليوتيوب والمسلسلات رح ضل ضعيف بالحكي وهون قررت سجل دورة لغة
على أساس ان يكون المدرسين يلي بيدرسونا أتراك الأصل والطلاب يلي معنا أجانب مشان يكون فرصة الحكي عربي عندنا صفر
ونضطر نحن والطلاب ما نحكي أي لغة غير تركي.

وبالفعل سجلت دورة في مركز معروف ممتاز جدا بتقسيم بنصح الكل فيه من حيث المكان والأجواء والمدرسين عسل وكانو أحيانا يطالعونا رحلات على حسابهم يعرفونا بتركيا والأماكن
يلي فيها واسماء المشربات والمأكولات التركية وغيرها من الفعاليات من أغاني ودروس ترفيهيه استمريت فيها 3 شهور كانو اكتر 3 شهور مهمين برحلة تعلمي للغة, والحمدلله صرت بعرف جاوب واحكي يلي بدي ياه مع الوقت.

كشخص مريت بالهتجربة العصيبة حابب قوللكن ان تعلم اللغة التركية سهل بس بدو ممارسة وطبعا أننا نتعلمو بالمكان الصحيح ومن الناس الصح (مش متل الناس يلي عالسوشال ميديا كل وحد عامل حالو أبصر شو وبعلم تركي وهو أصلا نص كلامو ولفظو غلط)

مين بيتفق معي برأيي ؟
شارك المقالة:
127 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook