4- سعر المنافسين المعروضة في السوق … يعني مثلاً حاجة كلفتك عشرة جم خامات ونقلها 2 جم ومجهودك فيها مثلاً عايز قصاده 20 جم يبقى كدة السعر هيبقى 32 جم صح؟ طيب قبل ما تحدد سعر مجهودك انزل الأسواق واعمل نفسك عميل واسأل على أسعار نفس المنتج اللي هتعمله وتبيعه عند منافسينك هي بكم ومواصفاتها ايه وتفاصيلهم ودة موضوع تفصيلي عن دراسة المنافسين إزااااااي تتم بالظبط:
كيف تتبع أدق التفاصيل عن منافسيك !!!
طيب لو لقيت سعر المنتج عند منافسينك بيتراوح ما بين 25 و30 يبقى إنت لازم تقللي هامش الربح اللي عايزه مقابل مجهودك بحيث تنزل بسعر منافس للأسعار الموجودة ولو بنص جنيه هتفرق برضو يعني بدل ما كنت هتكسب 20 جم هامش ربح علشان مجهودك ممكن تكسب 12.5 جم مقابل إن سعرك يبقى منافس في السوق وبالتالي تبيع أكتر وليكن مثلاً اقل سعر لقيته 25 جم يبقى سعرك يكون 24.5 علشان تجذب الزبون لمنتجك.
وفي ناس بتستخدم استراتيحية تسعير تانية خاصة في بداية انتشار المنتج إنها تعمل سعره مش بس منافس لكن قليل أوي علشان ينتشر ولو على باب التجربة من الناس ولما تعجب به الناس تبدأ ترفع سعرك شوية بحيث يكون قريب من سعر السوق دي استراتيجية تانية ممكن تستخدمها برضو علشان تنشر منتجك.
نحن نستخدم ملفات تعريف الارتباط (كوكيز) لفهم كيفية استخدامك لموقعنا ولتحسين تجربتك. من خلال الاستمرار في استخدام موقعنا ، فإنك توافق على استخدامنا لملفات تعريف الارتباط.
العربية
